اسلام آباد ۔ 10 اگست (اے پی پی) امریکا اچ تعینات پاکستان دے سفیر اسد مجید خان آکھیے جو ٹرمپ انتظامیہ بھارت کوں مقبوضہ کشمیر اچ اپنڑے اجوکے اقدامات ولا گھنڑ تے مجبور کرے،ہک عالمی نشریاتی ا دارے کوں انٹرویو اچ انہاں امریکا تے واضح کیتے جو کشمیر بارے اوندا مو ¿قف تبدیل نئیں تھیونڑا چاہیدا،بھارت مقبوضہ کشمیر دی خصوصی حیثیت مکا ڈتی اے بھل صدر ڈونلڈ ٹرمپ دی پاکستان کوں ثالثی دی پیشکش کشمیر کوں متنازع علاقہ تسلیم کرنڑ دا اعتراف اے،امریکا بھارت کوں فیصلہ ولا گھنڑ اتے مقبوضہ وادی اچ کشمیریاں تے لایاں گیاں پابندیاں مکاونڑ تے مجبور کرے،کہیں وی بھارتی اشتعال انگیزی دا موثر جواب ڈیونر کیتے پاکستان ہر ویلھے تیار اے بھل پاکستان کوئی انجھا کم نئین کرنڑ چاہندا جیہڑا خطے اچ امن کیتے خطرہ بنڑے۔انہان عالمی برادری توں مطالبہ کیتے جو اوبھارت تے مذاکرات کیتے دباو پاوے۔
