اسلام آباد ۔ 19 اگست (اے پی پی) وزیر خارجہ مخدوم شاہ محمود قریشی آکھیے جو پاکستان پر امن افغانستان چاہندے تے افغان عمل اچ مشترکہ ذمے واری کوں نبھیندے ہوئیں خلوص نیت نال مصالحانہ کردار ادا کریندا رہ ویسی ۔سنوار کوں افغانستان دے یوم استقلال تے تہنیتی پیغام اچ انہاں آکھیے جو افغانستان دے یوم استقلال تے افغانستان دی حکومت اتے عوام کوں دلوں مبارخ پیش کرینداں ۔ وزیر خارجہ آکھیا جو افغانستان اتے پاکستان دے عوام صدیاں پرانڑیں سماجی، معاشرتی اتے معاشی رشتیں نال گھنڈیے پن ۔انہاں آکھیے جو پر امن افغانستان پورے خطے دے امن و استحکام کیتے ضروری اے ، پاکستان افغان امن عمل اچ مشترکہ ذمہ داری کوں نبھیندے ہوئیں خلوص نیت نال مصالحانہ کردار ادا کریندا رہ ویسی ۔
