لہور۔31اگست(اے پی پی)سربراہ پاک فوج جنرل قمر جاوید باجوہ آکھیے جو انسدادِ دہشت گردی آپریشنز پاک فوج کوں بیا سخت جان بنڑا ڈتے،پاک فوج ہر محاز تے ثابت قدم اے اتے اساں کہیں وی جارحیت نال نمٹنڑ کوں تیارہیں۔اے گالھ انہاں لاہور کور اتے پاکستان رینجرز پنجاب دے دورے دے موقع تے جواناں نال الویندے آکھی۔پاک فوج دے شعبہ تعلقات عامہ (آئی ایس پی آر)دے مطابق پاک فوج دے سربراہ جنرل قمر جا وید باجو ہ کوں لاہور کور اتے پاکستان رینجرز پنجاب دے دورے ویلھے سرحدی صورتحال اتے پاک فوج دیاں پیشہ وارانہ تیاریاں تے بریفنگ ڈتی گئی۔آرمی چیف آکھیا جو دہشت گردی دے خلاف آپریشنز پاک فوج کوں جنگ کیتے بہوں سخت اتے پہلے توں ودھ طاقتور فوج بنڑا ڈتے، پاک فوج ہرمحاذ تے ثابت قدم اے اتے ہرقسم دی صورتحال نال نبڑن کیتے پوری تیار اے،میکوں اپنڑے افسران اتے فوجی جواناں تے مانڑ اے ،افسر اتے جوان دہشت گردی دے خلاف قوم دی توقعات پوریاں کیتن۔
