اسلام آباد ۔ 26 اگست (اے پی پی) فریضہ حج دی ادائیگی دے بعد حاجیاں دی پاکستان واپسی دا سلسلہ جاری اے، سرکاری اتے پرائیویٹ سکیماں دے مجموعی طور تے 46 ہزار توں ودھ حاجی وطن واپس پج گئن ۔ وزارت مذہبی امور دے ترجمان دے مطابق سرکاری سکیم دے ہنڑ تئیں 27 ہزار جڈاں جو پرائیویٹ سکیم دے 19 ہزار حاجی وطن واپس پج گن ۔ 22 ہزار توں ودھ حاجی مکہ مکرمہ توں مدینہ منورہ پج گن جتھاں او 8ڈینھ قیام دے بعد وطن واپس روانہ تھیسن ۔ترجمان دے مطابق سرکاری حج سکیم دے 74ہزار حاجی حالی تئیں مکہ اچ موجود ہن ۔ حاجی کیمپاں دا عملہ ملک دے 10 شہراں اچ مستعدی نال ہوائی اڈیں تے حاجیاں دے استقبال دے فرائض سرانجام ڈیندا پئے ۔ حج فلائیٹ اپریشن 15ستمبر تئیں جاری رہسی۔
