اسلام آباد ۔ 17 ستمبر (اے پی پی)قومی اسمبلی دی قائمہ کمیٹی خزانہ دے چیئرمین اسد عمر آکھیے جو آئی ایم ایف وفد حکومت پاکستان ولوں ہنڑ تئیںکیتے گئے اقدامات دی پیشرفت توں مطمئن ہے۔ انہاں آکھیے جوکمیٹی دے ارکاناں مہنگائی تے وی سوال پوچھے ،جیں تے آئی ایم ایف وفد اپنڑاں موقف ڈتے۔ منگل کوں پارلیمنٹ ہاوس اچ قومی اسمبلی دی قائمہ کمیٹی خزانہ دے اجلاس دے بعد میڈیا نال گالھ مہاڑ کریندے ہوئیں اسد عمر آکھیا جو ہک رکن اجلاس دے چھیکڑ اچ ایف اے ٹی ایف دا معاملہ وی چاتا، لیکن ایں معاملے تے بحث نی تھی، اجلاس اچ توانائی دے شعبے اچ اصلاحات بارے وی گالھ مہاڑ کیتی گی۔
