نیویارک ۔ 26 ستمبر (اے پی پی) امریکی صدر ڈونلڈ ٹرمپ آکھیے جو انہاں پاکستان اتے بھارت دے رہنماواں نال اپنڑی انجھ انجھ ملاقات اچ مسئلہ کشمیرتے الوائے اتے ڈوہاں جوہری مسلح ملکاں کوں ثالثی یا مصالحت اچ ہتھ ونڈاونڑ دی پیش کش کیتی اے جو مسلہ کشمیر حل کرنڑ کیتے کم کرنڑا چاہیدے۔نیویارک اچ پریس کانفرنس کریندے ہوئے انہاں آکھیے جو اپنڑے سنگتیاں کوں ایں مسلے دے حل کیتے مل باہنڑ دا آکھیے اتے ڈوہیں نال “بہوں نتیجہ خیز“گالھ مہار کیتی اے۔ انہاںا ٓکھیے جو میں کشمیر دے معاملے تے جو وی کرسگیا او کریساں،ایندے اچ اوکھ بہوں ہین بھل امید اے جو حالات سدھر ویسن۔انہاںآکھیے جو ڈوہاں ملکاں دے سربراہ میڈے چنگے سنگتی ہین ، اساں کشمیر تے الوائے جو اساں رل تے بس صرف ایں معاملے تے کم کریندے ہیں۔وزیراعظم عمران خان امریکی صدر کوں آکھیا ہئی جو مقبوضہ کشمیر اچ بھارت دے غیر قانونی اقدام توں بعد مذاکرات دے در بند تھی چکین،او مسلہ کشمیر چاون بھل بھارت ہر قسم دی ثالثی توں مکر چکیے۔
