اسلام آباد ۔ 18 ستمبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان دی اگوانڑی اچ پاکستان تحریک انصاف دی حکومت آزادی اظہار رائے دے بنیادی، آئینی اتے جمہوری حق تے یقین رکھدی اے،میڈیادی آزادی اتے ایندی آواز کوںبیا تکڑا کرنڑ کیتے کوششاں جاری ہین، میڈیا ٹریبونلز نہ صرف نویں کیساں دا فیصلہ کریسن بھل پیمرا اتے بیاں عدالتاں اچ زیر سماعت مقدمات وی انہاں ٹریبونلز کوں بھیجے ویسن جیہڑے مقدمیاں دا 90 ڈینہہ اچ فیصلہ کریسن۔ہک ٹویٹ اچ انہاںا ٓکھیا جو اگیں پیمرا دے احتسابی عمل تے تنقید کیتی ویندی ہئی جو ایکوں حکومت کنٹرول کریندی اے، ہنڑخصوصی میڈیا ٹریبونلز بنڑائے ویندے پین تاں جو مقدمات داتیکھے فیصلہ تھی سگے، اے ٹربیونلز اعلی عدلیہ دی زیر سرپرستی کم کریسن جیندے نال میڈیا ورکراں دے مسائل دے حل اتے فوری انصاف اچ مدد ملسی، اے عمل جگ اچ رائج قوانین اتے اعلی جمہوری اقداردا حقیقی عکاس ہوسی، میڈیا دا ذمہ دارانہ کردار ہی ایندی اصل قوت اے۔
