اسلام آباد ۔ 11 ستمبر (اے پی پی) وزیر اعظم عمران خان آکھیے جو او عالمی برادری کوں مقبوضہ کشمیر اچ بھارتی مظالم ڈساونڑ کیتے سبھائیں( جمعہ کوں) مظفر آباداچ ہک وڈے عوامی جلسے نال خطاب کریسن۔اپنڑے ہک ٹویٹ اچ وزیرا عظم عمران خان آکھیے جو او غاصب بھارتی افواج ولوں مقبوضہ کشمیر اچ جاری مظالم کوںعالمی برادری تے واضح کرنڑ کیتے جمعہ13 ستمبر کوں مظفر آباداچ ہک وڈے جلسے نال خطاب کریسن۔وزیراعظم عمران خان آکھیے جو غاصب بھارتی افواج ولوں مقبوضہ جموں وکشمیر دے جاری محاصرے بارے جگ کوں سنیہابھجواونڑ اتے اہل کشمیر کوں اے ڈکھاونڑ کیتے جو پاکستان پوری ثابت قدمی نال انہاں دے نال کھڑے ،او مظفر آباداچ وڈے عوامی اجتماع نال خطاب کریسن۔
