ملک اچ کرپشن دیمک آلی کار ودھ تے نانسوربنڑ گی ہے، ایندا ہکو علاج سرجری ہے ،تاں جو اینکوں منڈھوں مکایا ونج جا سگے قنون دی نظراچ سارے برابر ہن ، ہر بندہ اوں ویلھے تئیں بے گناہ ہے جدا تئیں اوندے تے الزا م ثابت نہ تھیوے، میگا کرپشن دے مقدمیاں کوں انجام تئیں پجاونڑ نیب دی پہلی ترجیح ہے چیئرمین نیب جسٹس جاوید اقبال دا نیب خیبر پختونخوا دے افسراں توں خطاب

اسلام آباد ۔ 18 ستمبر (اے پی پی) چیئرمین نیب جسٹس جاوید اقبال آکھیے جوملک اچ کرپشن دیمک آلی کار ودھ تے نانسوربنڑ گی ہے، ایندا ہکو علاج سرجری ہے ،تاں جو اینکوں منڈھوں مکایا ونج جا سگے ۔انہاں آکھیا جوقنون دی نظراچ سارے برابر ہن ، ہر بندہ اوں ویلھے تئیں بے گناہ ہے جدا تئیں اوندے تے الزا م ثابت نہ تھیوے۔انہان آکھیا جو میگا کرپشن دے مقدمیاں کوں انجام تئیں پجاونڑ نیب دی پہلی ترجیح ہے ۔ بدھ کوں نیب خیبر پختونخوا دے افسراں توں خطاب کریندے ہوئیں چیئرمین نیب آکھیا جو نیب دا ہر کیس میگا کرپشن دے زمرے اچ آندے ،جداں جو اوہ کیس جیندے اچ کرپشن دی رقم گھٹ ہوندی ہے اوہ نیب متعلقہ صوبائی اینٹی کرپشن ڈیپارٹمنٹ کوں قنون مطابق کارروائی سانگے بھیج ڈتا ویندے ۔ ایں موقع تے جسٹس ریٹائرڈ جاوید اقبال نیب خیبر پختونخوادے ڈائریکٹر جنرل فیاض احمد قریشی دی سربراہی اچ کرپشن مکاونڑ سانگے نیب خیبر پختونخوا دی کارکردگی دی تعریف کیتی اتے امید ظاہر کیتی جو نیب خیبر پختونخوا مستقبل اچ اپنڑیں کارکردگی کوں بیا ٹھیک کریسی۔