نیویارک ۔ 22 ستمبر (اے پی پی)وزیراعظم عمران خان دی ایمنسٹی انٹرنیشل دے سیکرٹری جنرل کومی نائیڈو نال ملاقات تھئی اے۔ملاقات اچ پاکستان سودھا جگ دے مختلف علاقیاں اچ انسانی حقوق دی صورتحال خاص کر بھارت ولوں مقبوضہ جموں اتے کشمیر اچ انسانی حقوق دیاں سنگین خلاف ورزیاں تے گالھ مہار کیتی گئی۔ وزیراعظم عمران خان ایمنسٹی انٹرنیشنل دے سیکرٹری جنرل کوں مقبوضہ وادی اچ بھارت ولوں غیر قانونی اقدامات اتے معصوم کشمیریاں تے مظالم،تریمتین ،جواناں ، بالاں اتے معمر لوکاں تے تشدد،پیلت گنز دے استعمال، ہسپتالاں اچ علاج دی سہولتاں نہ ہوونڑ اتے مسلسل ڈیڈھ مہینے توں جاری کرفیو سانگے کشمیریاں کون خوراک اتے دوائیان دی قلت بارے ڈسیا۔ کومی نائیڈو آکھیا جو مقبوضہ کشمیر دی صورتحال تے انہاں دی کڑی نظر اے، ایں سانگے ایمنسٹی انٹرنیشنل اپنڑی ہک رپورٹ وی جاری کیتی اے جیندے اچ مقبوضہ کشمیر دو جگ دی توجہ دیوائی گئی اے۔ انہاں یقین ڈیوائے جو ایمنسٹی انٹرنیشنل مقبوضہ کشمیر اچ انسانی حقوق دیاں خلاف ورزیاں تے اپنڑا کردار ادا کریندا راہسی۔
