جدہ ۔ 19 ستمبر (اے پی پی) وزیراعظم عمران خان سعودی عرب دے ولی عہد اتے وزیر دفاع شہزادہ محمد بن سلمان کوں کشمیر دی تازہ ترین صورتحال بارے ڈسایا ۔ ملاقات اچ سانجھی دلچسپی دے امور اتے ڈوطرفہ تعلقات بارے وی گالھ مہاڑ کیتی گی۔ ایں موقع تے وزیراعظم سعودی تیل تنصیبات تے حملہ دی پرزور مذمت کیتی۔ ملاقات اچ وزیر خارجہ شاہ محمود قریشی، مشیر خزانہ ڈاکٹر عبدالحفیظ شیخ،معاون خصوصی سمندر پار پاکستانیز سیّد ذوالفقار عباس بخاری، سیکرٹری خارجہ سہیل محمود اتے سعودی عرب اچ پاکستان دے سفیر راجہ علی اعجاز وی موجود ہن۔
