اسلام آباد ۔ 17 ستمبر (اے پی پی)وزیراعظم عمران خان چین دے نال تعاون تے مبنی سدا بہار پارٹنر شپ کوں بیا ودھاونڑ سانگے پاکستان دے عزم دا اعادہ کریندے ہوئیں ایں گالھ تے زور ڈتے جو پاک۔چین اقتصادی راہداری کوں پہلی ترجیح ڈتی ویندی پی ہے ۔ ا یہ گالھ عمران خان پاکستان اچ چین دے سفیر یاﺅ جنگ نال گالھ مہاڑ کریندے ہوئیں کیتی،جنہاں منگل کو ں وزیراعظم نال ملاقات کیتی۔ چینی سفیر وزیراعظم کوں انہاں دی آندی سالگرہ تے صدر شی جن پنگ ولوں نیک خواہشات دا پیغام پجایا۔ چینی صدر دے پیغام اچ پاک ،چین وچال روایتی یاری کوں پہاڑ آلی کار مضبوط قرار ڈیندے ہوئیں نویں دور اچ سانجھے مستقبل سانگے پاک۔چین برادری کوں مستحکم بناونڑ دے عزم دا اعادہ کیتا گئے ۔ وزیراعظم چینی صدر دا شکریہ ادا کیتے۔ وزیراعظم عمران خان سی پیک تحت جاری منصوبیں کوں مکمل کرنڑ سانگے پاکستان دے عزم کوں وی دہرائے،جیرھا جو پاکستان دی ترقی تے خوشحالی سانگے مدد کریسی۔
