پوری قوم کشمیر کاز کیتے افواج پاکستان نال کھڑی اے،جیکر بھارت جنگ کیتی تاں اے چھیکڑی جنگ ہوسی،وفاقی وزیر ریلوے شیخ رشید احمد

لاہور۔یکم ستمبر (اے پی پی) (اے پی پی )وفاقی وزیر ریلوے شیخ رشید احمد آکھیے جو پوری قوم کشمیر کازکیتے افواج پاکستان نال کھڑی اے، کشمیر ایشو تے اپوزیشن اتے حکومت متحد ہین،جیکر بھارت جنگ کیتی تاں اے چھیکڑی جنگ ہوسی۔ اے گالھ انہاں ننکانہ صاحب اچ ریلوے اسٹیشن دی زیر تعمیر عمارت دے معائنہ دے بعد میڈیانال الویندے آکھی۔ انہاں آکھیا جو بھارت اپنرے رویے نال مذاکرات دی کوئی گنجائش نئیں چھوڑی،اساں ایں پوزیشن اچ ہیں جو بھارت نال اکھیں ملا تے گالھ کر سگوں،اساں اپنڑے چھوٹے چھوٹے ایٹمی ہتھیار وی استعمال کر سگدے ہیں، جیکر بھارت جنگ کیتی تاں اے اوندی چھیکڑ جنگ ہوسی۔انہاں آکھیے بھارت نال مذاکرات دی گالھ صرف اوں ویلھے تھیسی جڈاں او اقوام متحدہ دی قرارداداں دے مطابق مسئلہ کشمیر حل کرنڑدو آیا۔ انہاں آکھیے جو انڈیا کشمیر کوں بھارت دا حصہ نئیں بنڑا سگدا بھل او آپ 22 حصیاں اچ ونڈیجنڑ آلا اے۔