لاہور۔4 ستمبر(اے پی پی )ترجمان دفتر خارجہ ڈاکٹر محمد فیصل آکھیا جو کرتار پوری راہداری جلدی کھولنڑ دے معاملے تے پاکستان اتے بھارت اچ مذاکرات دا تریجھا دور مکمل،کرتار پور راہداری تے بھارت نال تکنیکی مذاکرات تھی گئن،مذاکرات چنگے ماحول اچ تھین،بھارتی حکام کوں آندے مذاکرات سانگے پاکستان آونڑ دا آکھیے،نومبر اچ کرتار پور راہداری کھول ڈیسوں۔او بدھ کوں اٹاری اچ بھارتی حکام نال کرتارپور راہداری بارے مذاکرات دے بعد واہگہ بارڈر تے میڈیا نال گالھ مہاڑ کریندے پے ہن۔انہاں آکھیا جو ڈوہیں ہمسایہ ملکاں کوں لچک ڈکھاونڑی پمسی جئیں نال معاملے جلدی حل تھی ویسن۔انہاں آکھیا جو پاکستان سکھ یاتریاں دی تعداد 5ہزار تئیں ودھاونڑ تے راضی اے اتے جتنی گنجائش ہوسی اوندے مطابق سہولتاں ڈیسوں۔ہک سوال دے جواب اچ انہاں ڈسیا جو گزریل اجلاس اچ بھارت جیڑھا ساکوں مراسلہ ڈتا ہئی اج بھارت کوں جوابی مراسلہ ڈے ڈتے جئیں دی اجاں تفصیل نی ڈسا سگدے۔
