مانچسٹر ۔ 30 ستمبر (اے پی پی) برطانوی وزیر اعظم بورس جانسن آکھیے جواگر اوہ یورپی یونین چھوڑن دے معاہدے اچ ناکام تھی ویندن تاں وی اوہ اپنڑے عہدے توں استعفی کائناں ڈیسن۔ ایہ گالھ انہاں حکمران جماعت کنزرویٹو پارٹی دی سالانہ کانفرنس دے موقع تے آکھی ۔بورس جانسن آکھیا جوا وہ چاہندن جو انہاں دی جماعت کرو یا مرو دے پیغام مطابق ہک مٹھ تھیوے اتے یورپی یونین توں اگر کوئی معاہدے تھیندے یا نی تھیندا ،برطانیہ دا اکتوبر دے چھیکڑ تئیں ایں توں انخلاءتھیونڑ چاہیدے۔ انھاں آکھیا جو ایں عمل اچ قنونی رکاوٹاں وی موجود ہن۔انہاں دا آکھنڑ ہا جو لوک جانڑدن جو ملک ہک اہم موڑ اچ داخل تھی گئے اتے اساکوں 31 اکتوبر توں یورپی یونین توں انخلاءکرنڑ ہے۔یورپی یونین توں انخلاءاچ دیر توں بچنڑ سانگے انہاں دے استعفی بارے ہک سوال دے جواب اچ بورس جانسن آکھیا جو انہاں اپنڑیں پارٹی اتے ملک دی قیادت داحلف چاتا ہوئے اتے اوہ اپنڑیاں خدمات جاری رکھیسن۔
