بھارتی فوج دی ایل او سی تے خلاف ورزیاںقابل مذمت، پاک فوج کہیں وی جارحیت دا ولداڈیونڑ جانڑدی اے،فردوس عاشق اعوان

سیالکوٹ۔ 20 اکتوبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان لائن آف کنٹرول تے بھارتی اشتعال انگیزی دی مذمت کریندے ہوئے آکھیے جو پاک فوج جگ دی بہادر فوج اے جیہڑی کہیں وی جارحیت کوں ڈک سگدی اے،ساڈی مسلح افواج بھارتی اشتعال انگیزیاں دا ہر موقع تے بھرپور ولدا ڈتے تہوں اج بھارتی فوج چٹا جھنڈا لہراونڑ تے مجبور تھئی اے،پاکستان پہلے وی بھارتی طیارہ ڈھوا تے اپنڑی بہترین صلاحیت منوا چکیے۔ انہاںا ٓکھیے جو اساں بھارتی جارحیت دا منہ بھن سگدے ہین بھل ساکوں ایل او سی دے پار اپنڑی آبادی لوں بچاونڑ کتیے وی احتیاط ورتنڑی ہوندی اے،پاک فوج ہر ویلھے تیار اے، اتے دشمن کوں ڈینہہ اچ تارے ڈکھیندی راہسی۔