اسلام آباد ۔ 13اکتوبر (اے پی پی) خطے اچ امن و سلامتی دے ودھارے اتے کوئی نواں جھیڑا شروع تھیونڑ توں پہلے ہی مذاکرات نال بہہ تے مکاونڑکیتے وزیر اعظم عمران خان آڈت کوں ایران دے ہک ڈینہہ دے دورے تے تہران پجین۔دورے اچ وزیر خارجہ مخدوم شاہ محمود قریشی اتے معاون خصوصی برائے اورسیز ذولفقار عباس بخاری وی وزیراعظم دے نال ہن۔اپنڑے دورے اچ انہاں ایران دے صدر حسن روحانی،ایران دے سپریم لیڈر سید علی خامنائی نال ملین اتے مشترکہ پریس کانفرنس وی کیتی۔وزیراعظم دے دورہ ایران کوں ڈو اسلامی ملکاں ایران اتے سعودی عرب دا جھیڑا مکاونڑ کیتے ہک نویں مثال اتے چنگی کوشش قرار ڈتا ویندا پئے۔وزیراعظم دورہ ایران توں بعد منگل کوں سعودی عرب ویسن۔
