اسلام آباد ۔ 10 اکتوبر (اے پی پی) وفاقی وزیر مذہبی امور ڈاکٹر نور الحق قادری آکھیے جو علمائے کرام محراب اتے منبر دے ذریعے لوکاں کوں اخلاق تے اقدار دی تربیت ڈیونڑ دے نال نال منشیات دی لعنت مکاونڑ کیتے سماجی شعور پیدا کرن ،نشہ آور چیزاں دے حوالے نال سوشل میڈیا تے بیان کیتے ونجنڑ آلے مواد دا وی سدباب وقت دا اہم تقاضا اے ،جڈاں تئیں معاشرے توں منشیات دی طلب کائناں مکسی ایندا خاتمہ وی نی کیتا ونج سگدا ۔خمیس کوں بین الاقوامی اسلامی یونیورسٹی دے آڈیٹوریم اچ دعوة اکیڈمی دے زیرانتظام پاک فوج دے آئمہ کورس دے شرکاءدی تقسیم اسناد اتے بین الاقوامی اسلامی یونیورسٹی، پی این ایف راولپنڈی دی سانجھھ نال ” نشے توں انکار زندگی نال پیار “ دے موضوع تے منعقدہ سیمینار دی مشترکہ تقریب نال خطاب کریندے ہوئیں وزیر مذہبی امور آکھیا جو منشیات دا استعمال پاکستان سمیت پوری دنیا دا ہک سلگتا ہویا ایشو اے ۔ علماءاتے خطباءاینکوں روکنڑ اچ اہم کردار ادا کرسگدن کیوں جو علمائے کرام معاشرے دی تربیت کریندن تے تربیت کرنڑ دا حکم قرآن حکیم اچ آئے ۔
