تہران۔ 13 اکتوبر (اے پی پی)وزیراعظم عمران خان تہران اچ ایران دے سپریم رہنما سید علی خامنا ای نال ملین اتے ڈو طرفہ بردارانہ تعلقات، خطے دے امن و سلامتی ، مسلہ کشمیر سودھے بئے علاقائی مسلیاں تے الوایا۔ وزیراعظم مسلہ کشمیر دی حمایت تے ایران دا شکریہ ادا کیتا۔ انہاںا ٓکھیا جو ایران اتے پاکستان دے بھراواں آلے اینجھے تریخی تعلقات ہین جیہڑے ہر اوکھے سوکھے ویلھے ہک بئے دے نال کھڑن،مسلم امہ کوں ایں ویلھے کئی چیلنجز دا سامنڑا اے جیندا حل کڈھنڑ بہوں ضروری اے کیوں جو امت مسلمہ اچ اتحاد و یگانگت ویلھے دی وڈی لوڑھ اے۔ایرانی سپریم لیڈردورہ ایران تے پاکستانی وزیراعظم دا شکریہ ادا کیتا۔ایں موقع تے وزیر خارجہ شاہ محمود قریشی ، وزیر اعظم دے معاون خصوصی سید ذوالفقار عباس بخاری اتے بئے سینئر عہدیداروی موجود ہن۔
