اسلام آباد ۔ 24 اکتوبر (اے پی پی)پاکستان وپار اچ سوکھ ڈیونڑ آلے ملکاں دی عالمی درجہ بندی اچ 28 درجے ترقی کر تے 108 ویں نمبرتے آگئے، کاروباری اصلاحات کرنڑ آلے 10وڈے ملکاںا چ رل گئے،7 کاروباری اشاریاں دی رینکنگ اچ وی اتے آ گئے۔عالمی بینک (ڈبلیو بی)دی ڈوئنگ بزنس رپورٹ 2020ءدے مطابق پاکستان کاروباراچ سوکھ دی درجہ بندی اچ 28 درجے بہتری نال 136 ویں نمبرتوں 108 ویں نمبر تے آ گئے۔ ملکی تاریخ اچ پہلی واری عالمی بینک دے کاروباربارے رپورٹ اچ پاکستان اتنی چنگی کاکاردگی ڈکھائی اے اتے پاکستان دا ڈوئنگ بزنس سکور 55.31 توں ودھ تے 61تھی گئے اتے پاکستان دی 6 اشاریاں اچ رینکنگ وی چنگی تھئی اے جیندے اچ کاروبار، تعمیراتی پرمٹس، کاروبارکیتے بجلی دے حصول، پراپرٹی رجسٹریشن، ٹیکس ادائیگی اتے سرحد دے ا ٓر پار تجارت شامل اے۔ایویں ہی 7 اشاریاں اچ پاکستان دا سکور ودھیے۔کاروبار دے آغازکیتے اصلاحات دے اشاریے اچ پاکستان 72 ویں نمبر،تعمیراتی پرمٹس اصلاحات اچ 112 ویں،بجلی کنکشن حصول اچ 123 ویں ،پراپرٹی رجسٹریشن اتے ٹیکس ادائیگی اچ 22 درجے ترقی نال 161ویں اتے سرحد پار تجارت دی اصلاحات اچ 142 ویں توں 111ویں نمبرتے آ گئے۔
