اسلام آباد ۔ 26 اکتوبر (اے پی پی) پاک فضائیہ دے سربراہ ایئر چیف مارشل مجاہد انور خان کینیا دے دورہ تے اپنڑے کینیائی ہم منصب میجر جنرل فرانسس اوگولا نال موئی ائر بیس تے ملین اتے انہاں نال پیشہ وارانہ دلچسپی، باہمی تعاون تے الوائے۔کینیا دی فضائیہ دے کمانڈر پاک فضائیہ دے حربی اتے پیشہ وارانہ اعلی معیارات دی تعریف کیتی۔ پاک فضائیہ دے سربراہ کینیا دی فضائیہ کوں عسکری اتے ہوا بازی دے مختلف شعباں اچ تربیت دی پیشکش کیتی۔ملاقات اچ ڈوہاں ملکاں دی فضائی افواج وچال روابط ودھاونڑ تے اتفاق کیتے۔ایں توں پہلے پاک فضائیہ دے سربراہ کوں کینیا ایئر بیس تے گارڈ آف آنر پیش کیتے اتے سلامی ڈتی۔پاک فضائیہ دے سربراہ کینیا دی فضائیہ دے طیاراں اتے بئے فضائی سازوسامان دا معائنہ ڈٹھے۔ پاک فضائیہ دے سربراہ مجاہد انور خان کینیا دی دفاعی کابینہ دی سیکرٹری راشیلے اومامو، کینیا دی دفاعی فورسز دے سربراہ جنرل سامسن مواتھیتھی اتے کینیائی آرمی دے کمانڈر لیفٹیننٹ جنرل والٹر راریا سودھے بئے اعلی سول و عسکری حکام نال وی ملین۔
