بیجنگ ۔ 4 اکتوبر (اے پی پی) چین اچ پاکستانی سفیر نغمانہ عالمگیر ہاشمی آکھیے جو چین پاکستان آزاد تجارتی معاہدہ کجھ مہینے اچ فعال تھی ویسی ۔ہک انٹر ویواچ انہاں آکھیے جو معاہدیں نال ڈوہیں ملکاں وچال ڈو پاسے تجارت دے ودھارے کیتے بہوں اہم اے ،اساں اپنڑے پاسوں سارے ضروری تقاضے مکمل کیتن تے چین وی انہاں کوں مکمل کرنڑ کیتے اقدامات کریندا پئے ،پاکستانی سفیر آکھیے جو آزاد تجارت دے معاہدے نال چین پاکستانی مصنوعات تے درآمدات اتے ڈیوٹی اچ کمی پاروں اساڈی درآمدات اچ ودھارا تھیسی ،انہاں آکھیے جو چین پاکستان اقتصادی راہداری (سی پیک) پہلے مرحلے دی تکمیل دے بعد ہنڑ ڈوجھے مرحلے اچ داخل تھی گئی اے تے ہنڑ ملک دے مختلف علاقیں اچ خصوصی اقتصادی زونز بنڑائے ویسن ۔
