کہیں مارشل لاءدا خطرہ نئیں،جیکر اپوزیشن پر امن احتجاج کرے تاں ہر سہولت ڈیسوں،قانون اتے آئین دی حکمرانی یقینی بنڑائی ویسی،گورنر پنجاب

لاہور۔20 اکتوبر(اے پی پی ) گور نر پنجاب چوہدری محمدسرورآکھیے جو کہیں مارشل لاءدا خطرہ نئیں،جیکر اپوزیشن پر امن احتجاج کرے تاں ہر سہولت ڈیسوں،قانون اتے آئین دی حکمرانی یقینی بنڑائی ویسی۔اے گالھ گور نر پنجاب چوہدری محمدسرور دا تادربارتے چادر چڑھاونڑ توں بعد میڈیا نال گالھ مہاڑکریندے آکھی۔ انہاں آکھیا جو پاکستان دا مستقبل صرف جمہوریت اے اساں احتجاج دے مخالف کائنی بھل اے بامقصد اتے پر امن ہوونڑا چاہیدے،اپوزیشن جماعتاں ونڈا دا شکار ہین،او صرف عمران خان دی مخالفت اچ مولانا دے احتجاج اچ رلسن۔ انہاں آکھیا جو وزیراعظم عمران خان پنج سال کیتے وزیر اعظم بنڑین،استعفے دی تاں گالھ ہی نئیں بنڑدی،اساں کہیں خوف کیتے نئیں،جمہوریت اتے ملک و قوم کیتے مذاکرات سانگے اگو تے آئے ہیں،جیکر اپوزیشن پر امن رہی تان گالھ تھیسی نتاں قانون موجود اے۔انہاں آکھیا جو داتا دربارسودھے پنجاب اچ مسلماناں دیان مقدس جاہیں،مزار اتے درگاہیں تے توجہ ڈتی ویندی پئی اے،کرتار پور راہداریا ٓندے مہینے کھل ویسی جیندے نال پورے جگ اچ پاکستان ولوں امن دا سنیہا ویسی۔