گوادر اچ آئل ریفائنری لاونڑ کیتے تکنیکی ماہرین دی خدمات گھنڑشروع ، تیل دے درآمدی بل اچ سالانہ ترائے ارب ڈالر دی بچت تھیسی، عمر ایوب خان

xاسلام آباد ۔ 17 اکتوبر (اے پی پی) وفاقی وزیر توانائی عمر ایوب خان آکھیے جو چین پاکستان اقتصادی راہداری دے تحت گوادراچ آئل ریفائنری لاونڑ کیتے تکنیکی ماہرین دیاں خدمات گھدیاں وینداں پین جیہڑا ترائے مہینے اچ مکمل کر گھدیاں ویسن،ڈھائی لکھ بیرل یومیہ پیداوار ڈیونڑ آلی آئل ریفائنری بنڑن نال تیل دے درآمدی بل اچ سالانہ ترائے ارب ڈالر دی بچت تھیسی۔ اے گالھ انہاں عرب نیوز کوں ہک انٹرویو اچ آکھی ۔ انہاں آکھیا جو پاکستان اتے سعودی عرب وچال ویہہ ارب ڈالر دی سرمایہ کاری دے تحت سعودی عرب دے تعاون نال توانائی دے شعبہ اچ 14 ارب 50 کروڑ ڈالردے منصوبیان تے کم شروع تھی چکیے،بجلی دی شعبہ اچ سعودی سرمایہ کاری دے تحت بلوچستان اچ ساڈھے چار ارب ڈالر دی لاگت دے قابل تجدید توانائی دے 500 میگاواٹ دے منصوبے لگسن، گوادر اچ آئل ریفائنری دے منصوبے تے 10 ارب ڈالر دی سرمایہ کاری تھیسی،سعودی کمپنیاں ہائبرڈ اتے سولر منصوبیان دا جائزہ گھندیاں پین،ہنڑ تئین ڈوہان ملکان وچال بجلی اتے تیل دے شعبہ اچ 20 ارب ڈالردی سرمایہ کاری کیتے چار ارب ڈالردی لاگت نال آر ایل این جی دے دو پلانٹس ، پاکستان اچ قابل تجدید توانائی دے شعبہ اچ ایکوا پاور کمپنی ولوں ڈو ارب ڈالر دی سرمایہ کاری اتے پاکستان کیتے سعودی فنڈولوں ہک ارب ڈالر ڈیونڑ دے منصوبے،ہج ارب ڈالر دی لاگت نال پٹرولیم کمپلیکس، خوراک و زراعت دے منصوبے اتے سعودی آرامکو کمپنی ولوں گوادراچ 10 ارب ڈالرسودھے معدنیات دے شعبہ اچ 2 ارب ڈالردی سرمایہ کاری شامل اے۔