تہران ۔ 8 نومبر (اے پی پی) ایران دے شمال مغرب اچ زلزلے دے جھٹکے محسوس کیتے گن جیں دے نتیجے اچ پنج بندے ہلاک تے 120زخمی تھی گن ۔ ایرانی سیسمولوجیکل سنٹر دے مطابق جمعے دی سویل ایران دے شمال مغربی علاقے اچ5.9 شدت دے زلزلے دے جھٹکے محسوس کیتے گن جیں پاروں لوکاں اچ ڈر کھنڈ گے ۔زلزلے نال کئی عمارتاں کوں ضیان پجے جیں دے نتیجے اچ 5 بندے ہلاک تے 120 زخمی تھی گن ۔ ریکٹرسکیل تے زلزلے دی شدت5.9رریکارڈ کیتی گی اے ۔ زلزلے دا مرکززمین اچ 8 کلومیٹر جھکا ہئی ۔ زلزلے دے بعد چار آفٹر شاکس وی محسوس کیتے گن ۔ حکام دے مطابق متاثرہ علاقے اچ امدادی کارروائیاں شروع کرڈتیاں گن متاثرہ علاقے اچ جانی تے مالی ضیان اچ ودھارے دا ڈر اے ۔
