تہران ۔ 5 نومبر (اے پی پی) ایران دے روحانی پیشوا ملک اچ امریکی سفارتخانے تے قبضے دے واقعے کوں 40 سال پورے تھیونڑ تے امریکہ نال مذاکرات دے امکان کوں ہک واری ول مسترد کرڈتے۔ایرانی ذرائع ابلاغ دے مطابق تہران اچ ایران دے روحانی پیشوا آیت اللہ علی خامنائی امریکی سفارتخانے تے قبضے دے واقعے کوں 40 سال پورے تھیونڑ تے منعقد کیتی گئی تقریب نال خطاب کریندے آکھیے جو امریکہ نال کئی گال نی تھی سگدی۔انہاں الزام لاتے جو امریکہ امریکہ ”جارحانہ تے قابل مذمت رویہ جاری رکھی پئے جیں اچ چار دہائیاں توں کوئی تبدیلی کائنی آئی ۔آیت اللہ خامنائی امریکہ نال کہیں وی قسم دے مذاکرات کوں مسترد کریندے ہوئیں آکھیے جیرھے لوک سمجھدن دشمن نال مذاکرات دے ذریعے مسئلے حل تھی ویسن ،او غلطی تے ہن ۔