نئی دہلی ۔ 11 نومبر (اے پی پی) بھارت اچ آندھرا پردیش دے مشرقی گوداوری ضلع اچ محض 2 روپے دے پچھوں ہک بے گناہ کوں مبینہ طور تے مار تے قتل کرڈتا گے ۔ ذرائع ابلاغ دے مطابق پولیس ڈسائے جو واقعہ 9 نومبر کوں وستی سپاکالا اچ پیش آئے ۔ پولیس دے مطابق 24 سالہ سوورناراجیرھا جوکنسٹرکشن ورکر اے ، سائیکل دے ٹائرزاچ ہوا بھراونڑ کیتے سائیکل دی دکان اچ گیا تے اوندے کنے پیسے کائناں ہن جیں تے ڈوہیں اچ جھیڑا تھی گیا ،ایں دوران دکاندار دے ہک یار سریا چاتا تے راجو دے سر اچ ماڈتا جیں پاروں اوندا لہو وٹھا ۔ مقامی لوکاں راجو کوں زخمی حالت اچ وختی سرکاری جنرل ہسپتال پجایا لیکن او دم ڈے ڈتا ۔پولیس سائیکل دی دکان دے ملک تے ایندے یار دے خلاف قتل دا مقدمہ درج کرتے مزید تفتیش شروع کرڈتی اے جڈاں جو مرکزی ملزم فرار تھیونڑ اچ کامیاب تھی گے ۔
