اسلام آباد ۔ 18 نومبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو بھارتی ریٹائرڈ جنرل دی ٹی وی تے کشمیری تریمتاں دے ریپ دی حمایت دے گھٹیا بیان دی ودھ ساری مذمت کریندوں ۔اخلاق توں عاری اتے فسطائیت تے مبنی سوچ مودی دے نازی ازم دا ناقابل تردید ثبوت اے۔ سنوار کوں اپنڑے ٹویٹ اچ ڈاکٹر فردوس عاشق اعوان آکھیے جوج بھارتی فوجی بی جے پی دے کارندے بنڑ چکن ۔عالمی برادری بھارتی فوج دے ایجھے ذہنی بیماراں اتے انسانیت دے مجرماں دے خلاف سخت ردعمل دا اظہار کرے۔ایجھے بیان قاتل اتے غاصب مودی حکومت دے انہاں دعویں دی کھلی تردید ہن جو کشمیر اچ زندگی معمول تے آگی اے ۔ انہاں آکھیے جو سلام پیش کریندوں اپنڑیاں کشمیری ماواں بھینڑیں کوں جنہاں جرات ،تے بہادری نال بھارتی جبر و ظلم دا مقابلہ کیتے۔ جدوجہدآزادی اچ انہاں دیاں قربانیاں دے خدمات تاریخ دا نہ بھلاونڑ آلا باب ہن ۔
