اسلام آباد ۔ 22نومبر(اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو لٹیرا لیگ کوڑ دے چنگے پنڈھ ودھیندی پئی اے ۔تساڈی قیادت دے تاں سارے اکاﺅنٹس فارن اچ ہن ،کاروبار تے علاج وی فارن اچ اے، پاناما دی کرپشن تے کالی کمائی دیاں گنڈھڑیاں قوم کوں وسریا کائنی ۔ ڈاکٹر فردوس عاشق اعوان جمعے کوں اپنڑے ٹویٹ اچ آکھیے جو عدالتی سزا یافتہ کوں نشوم ثابت کرنڑ کیتے عمران خان دی امانت تے دیانت تے انگلی چاتے احسن اقبال کوئی چنگاں کم کائنی کریندے پئے ۔انہاں آکھیے جو چیف الیکشن کمشنر کوں سیاسی دھمکیاں ڈیونڑ بند کرو۔ماضی اچ سپریم کورٹ تے تساں حملہ کیتاو یا بریف کیساں دی چمک ڈکھیندے رہ گیو ،اج تساں نویں ویس اچ قوم کوں ولا دھوکہ ڈیونڑ دی کوشش کریندے پیو۔انہاں آکھیے جو احسن اقبال صاحب تساں جیرھے ٹوئنٹی ٹوئنٹی مشن تے ہو او پورا تھیونڑ آلا کائنی ۔ عمران خان 2018ءاچ 5سال دی سیریز جت چکن ۔
