اسلام آباد ۔ 8 نومبر (اے پی پی) وزیراعظم دے مشیر برائے تجارت صنعت و پیداوار اتے ٹیکسٹائل انڈسٹری عبدالرزاق داﺅد آکھیے جو چین پاکستان نال آزاد تجارت معاہدے کوں ویلھے توں پہلے فعال کرنڑ دی منظوری ڈے ڈتی اے، اے معاہدہ یکم دسمبر توں فعال تھی ویسی،جیندے نال ڈیوٹی فری مصنوعات برآمدتھی سگسن۔ہک پریس کانفرنس اچ عبدالرزاق داﺅدآکھیا جو پاکستان اتے چین دے آزاد تجارت معاہدے تے اپریل اچ دستخط تھئے ہن بھل ہنڑ اے دسمبر اچ ہی فعال تھی ویسی۔چینی قیادت آکھیے جو سموار توں لہور اچ عالمی نمائش شروع تھیندی پئی اے جیندے اچ چین دی 36کمپنیاں شرکت کریسن، آزاد تجارت معاہدے نال پاکستان دے کاروباری افرادکیتے در کھل گئے،چین کوں چین کوں ٹیکسٹائل ‘ چمڑے ‘ آلات جراحی ‘کیمیکلز ‘ ادویات سودھا ساریاں مصنوعات برآمدتھی سگسن، اساں مختلف عالمی کمپنیاں کوں قائل کریندے پئے ہیں جو او ولاپاکستان آتے کاروبار کرن۔آزادتجارت معاہدے پاروں مصنوعات دی ڈیوٹی فری رسائی نال پاکستان دی برآمدات ودھسن۔
