واشنگٹن ۔ 24 نومبر (اے پی پی) امریکی کانگرس دے 135 ارکان ہک پٹیشن تے دستخط کیتن جئیں اچ امریکی وزیرخارجہ مائیک پومپیو دی فلسطین اچ یہودی وستیاں دی حمایت تے بیان دی مذمت کیتی گئی اے۔مرکز اطلاعات فلسطین دے مطابق امریکی ارکان کانگرس ولوں بنڑائی گئی پٹیشن اچ وزیر خارجہ مائیک پومپیوتوں مطالبہ کیتا گے جو او غرب اردن اچ یہودی آباد کاری دی حمایت بارے اپنڑاں بیان واپسی گھنن۔خیال رہے جو اے پٹیشن اوں ویلھے بنڑائی گئی اے جڈاں چار ڈینھ پہلے امریکی وزیرخارجہ کئیں ورھیں توں چلدی امدی پالیسی پاروں ہک بیان اچ آکھیا ہئی جو ہنڑ فلسطین اچ یہودی وستیاں بنڑاونڑ کوں قانون دے خلاف سمجھیا ویسی۔انہاں دے بیان تے عرب ملکاں،عالم اسلام اتے عالمی برادری ولوں سخت رد عمل آیا ہئی ۔
