اسلام آباد ۔ 11 دسمبر (اے پی پی) وفاقی وزیر مواصلات تے پوسٹل سروسز مراد سعید آکھیا جو احسن اقبال صرف ہک منصوبے اچ ملک دا 50ارب توں ودھ روپے دا ضیان کیتے،کیا جاوید صادق احسن اقبال اتے شریف ٹبر دے فرنٹ مین دا کردارکائنی نبھیندے رہییے؟احسن اقبال میڈے ولوں پچھیے گئے سوالاں دا جواب ڈیونڑ دی بجائے بھج گئئن۔بدھ کوں پریس انفارمیشن ڈیپارٹمنٹ (پی آئی ڈی) ولوں جاری بیان دے مطابق وفاقی وزیر مراد سعید آکھیا جو احسن اقبال عدالت اچ پچھے گئیے تحریری سوالاں دا جواب کائنی ڈتا۔
