ڈھاکہ۔ 13 دسمبر (اے پی پی) بنگلہ دیش دی سپریم کورٹ بدعنوانی دے مقدمہ اچ سابق وزیر اعظم خالدہ ضیاءدی ضمانت دی درخواست مسترد کرڈتی۔ بنگلہ دیش دے چیف جسٹس دی سربراہی اچ چھی رکنی بنچ اپنڑے فیصلے اچ سابق وزیر اعظم ولوں اجوکے سال جولائی اچ دائر کیتی ونجنڑ آلی ضمانت دی درخواست مسترد کریندے ہوئیں انہاں کوں بہتر طبی سہولتاں ڈیونڑ دے احکامات ڈتن ۔واضح رہے جو خالدہ ضیاءبد عنوانی دے مقدمے اچ گزریل سال فروری توں جیل اچ ہن جڈاں جو طبی بنیاداں تے انہاں کوں گزریل سال اپریل اچ ہسپتال منتقل کیتا گیا ہئی ۔ انہاں دی جماعت بنگلہ دیش نیشنلسٹ پارٹی دے رہنماء باہرلے ملک علاج دی غرض نال خالدہ ضیا دی رہائی چاہندے ہن۔
