برسلز ۔ 3 دسمبر (اے پی پی) یورپی یونین دی خارجہ پالیسی دے نویں سربراہ جوزف بورل ایں گال تے زور ڈتے جو ایران تے عالمی طاقتاں وچال موجود جوہری معاہدے کوں ہر حال اچ برقرار رکھنڑاں ہوسیں تے ایں کیتے سارے فریقین کوں اپنڑاں کردار ادا کرنڑاں چاہیدے ۔اے گال انہاں گزریل ڈینھ ہسپانوی اخبار ایل پیس کوںانٹرویو ڈیندے ہوئیں آکھی اے ۔ انہاں آکھیے جو ایران تے عالمی طاقتاں وچال موجود جوہری معاہدے کوں برقرار رکھنڑ کیتے سارے فریقین اپنڑاں کردار ادا کرن ۔ انہاں جوہری معاہدے کوں باقی رکھنڑ کیتے ہر ممکن کوشش کرنڑ دی ضرورت تے زور ڈیندے ہوئیں فریقین کوں آکھیے جو ایں سلسلے اچ بھرپور اقدام کرن ۔
