اسلام آباد ۔ 4 دسمبر (اے پی پی) پاکستان اچ 90 فیصد پانڑیں زرعی شعبہ استعمال کریندے جڈاں جو صنعتی شعبہ 7فیصد تے گھر دے استعمال کیتے ترائے فیصد پانڑیں استعمال کیتا ویندے ۔آبی وسائل دے ماہرین آکھیے جو ملک اچ آبی وسائل دی ترقی تے بہتری وقت دی اہم ضرورت اے تاں جو پانڑیں دے ضیان تے قابو پاونڑ دے نال نال ایندے توں ودھ توںودھ فائدہ چاتا ونج سگے ۔ انہاں آکھیے جو ملک اچ 50 ملین لوکاں کوں پیونڑ دا صاف پانڑیں کائنی ملدا۔ جیں دے نتیجے اچ ملک اچ 40فیصد لوکاں دی موت گندہ پانڑیں پیونڑ پاروں تھیندی اے ۔انہاں آکھیے جو ساونڑ اچ سالانہ ارباں ڈالر دا پانڑیں ضائع تھی ویندے ایں کیتے ضروری اے جو پانڑیں کٹھا کرنڑ کیتے نویں ڈیم بنڑائے ونجن جیں دی مدد نال نہ صرف زرعی صنعتی تے گھر استعمال کیتے پانڑیں دستیاب ہوسی بلکہ سستی بجلی وی بنڑائی ونج سگسی ۔انہاں مزید آکھیے جو زرعی شعبے اچ پانڑیں توں ودھ توں ودھ فائدہ چاونڑ کیتے جدید ٹیکنالوجی دے استعمال تے خصوصی توجہ کرنڑ دی ضرورت اے ۔
