اقوام متحدہ ۔ 18 دسمبر (اے پی پی) ترکی دے صدر رجب طیب اردوان آکھیے جو شام اچ ہلاک تھیونڑ آلے بالاں دے جسم توں خون دی جاہ پٹرول وہندا تاں دنیا ہک پل دیر کیتے بغیر مداخلت کیتے بھج آندی ۔ انہاں آکھیے جو مہاجرین دے مسئلے تے کجھ ملکاں دیاں کوششاں نال قابو نی پاتا ونج سگیا ۔ اقوام متحدہ دے جنیوا آفس اچ منعقدہ پہلے گلوبل ریفوجی فورم نال خطاب اچ طیب اردوان آکھیے جو ترکی لکھاں مہاجرین کیتے دروازے کھولین۔ ایجھے وقت اچ جڈاں ترکی توں کئی گناہ ودھ امکان دے مالک ملکاں مہاجرین کیتے کوٹہ رکھیے اساں رنگ ،نسل تے زبان دی تفریق کیتے بغیر ہر ہک کوںپناہ ڈتی اے ۔ انہاں آکھیے جو مہاجرین دے مسئلے تے اساں وانگوں انہاں انساناں دی بہترین شکل اچ میزبانی کرنڑ آلے کجھ ملکاں دیاں کوششاں تے قابو نہ پاتا ونج سگسی ۔صدر اردوان آکھیے جو شامی مہاجرین دے مسئلے دا ہک حل اے کائنی سمجھیا ویندا جو جو انہاں کوں ترکی دیاں سرحداں تے پناہ ڈتی ڈے ڈتی ونجے۔
