اسلام آباد ۔ 3 دسمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو قانون سازی پارلیمان دی بنیادی ذمے واری اے ‘ اینکوں سیاسی ایجنڈے نال مشروط کرنڑ غیر پارلیمانی ‘ غیر آئینی اتے غیر جمہوری اے۔ منگل کوں ٹویٹر تے اپنڑے پیغام اچ انہاں پاکستان پیپلزپارٹی دے چیئرمین بلاول بھٹو زرداری دے بیان تے ردعمل ڈیندے ہوئیں آکھیے جو وزیراعظم عمران خان اپوزیشن دیاں اکھیں اچ ایں کیتے کھٹکدن جو او اپنڑی ذات دی نی پاکستان دے کاز دی جنگ لڑدے پن ۔انہاں آکھیا جو بلاول بھٹو کہیں معاملے اچ تاں سیاسی بلیک میلنگ توں باہر آتے سوچن ،پارلیمان کوں سیاسی بلیک میلنگ کیتے استعمال کرنڑ دی سوچ بہوں منفی تے پی پی پی دے اپنڑیں دعویں دی نفی اے ۔ڈاکٹر فردوس عاشق اعوان آکھیا جو پاکستان دے مفاد اچ تھیونڑ آلی قانون سازی دے رستے تے روڑے اٹکاونڑ آلے مفاد پرست اکھویسن ۔
