اسلام آباد ۔ 24 دسمبر (اے پی پی)صدر مملکت ڈاکٹر عارف علوی آکھیے جو معاشرے دے غریب اتے کمزور طبقات دی مدداسلامی معاشرے دا اہم جزو اے،پاکستان لکھاں مہاجراں دی کئی ڈھاکے میزبانی کرکے انسانیت دی مثال قائم کیتی اے،اے گالھ صدر مملکت ڈاکٹر عارف علوی ایوان صدراچ ہک تقریب نال خطاب اچ آکھی۔ انہاں آکھیا جو پاکستان دہشتگردی دے خلاف جنگ اچ منیا ویندے اتے ہنڑانسانی ہمدردی دے جذبہ اچ وی جگ اچ ابھردا پئے،پاکستان 35 لکھ مہاجرین کوں کھلے دل نال چار ڈھاکیاں تئیں پناہ دے تے جگ اچ ہمدردی اتے انسانیت دی وڈی مثال قائم کیتی اے،ملک اچ قدرتی آفتاں اچ ہتھ ونڈاونڑکیتے مخیر لوکاں دا جذبہ قابل تعریف اے جئیں غریب اتے کمزور طبقیاں دی خدمت کیتے مذہبی اقدار کوں اگو تے ٹوریا ہوئے۔انہاں آکھیے جو ساکوں چنگائی اتے نیکی کیتے کم کرنڑا چاہیدے تاں جو بنھاں کوں وی ایندی ریس آوے۔صدر مملکت خصوصی لوکاں کیتے روزانہ استعمال دیاں شئیں ڈیونڑ سودھاتعلیم، روزگار اتے ترقی دے مواقع ڈیونڑتے زور ڈتے۔
