مدینہ منورہ ۔ 14 دسمبر (اے پی پی) وزیراعظم عمران خان روضہ رسول تے حاضری ڈتی ، نفل پڑھیے ملک اتے قوم دی ترقی تے سلامتی کیتے دعا منگی ۔ وزیراعظم آفس دے میڈیا ونگ دے مطابق وزیراعظم عمران خان روضہ رسول ﷺ تے حاضری ڈتی اے تے نفل پڑھین ، نفل پڑھنڑ دے بعد اپنڑی سرکاری مصروفیات کیتے ریاض روانہ تھیسن ۔ ایندے توں پہلے سعودی عرب دے ہک ڈینھ دے اپنڑے دورے دے پہلے مرحلے اچ وزیر اعظم عمران خان رائل ٹرمینل پجے جتھاں مدینہ دے ڈپٹی گورنر وحیب السہلی اتے جدہ اچ پاکستان دے قونصل جنرل خالد مجید انہاں دا استقبال کیتا۔
