پاکستان نا قابل یقین سوہنڑپ ، قدرتی شاہکار، سیاحت دے لا محدود مواقع آلی سر زمین اے، وزیراعظم عمران خان

اسلام آباد ۔ 29دسمبر(اے پی پی) وزیر اعظم عمران خان آکھیے جو پاکستان نا قابل یقین سوہنڑپ ، قدرتی شاہکار اتے سیاحت دے لا محدود مواقع رکھنڑ آلی سر زمین اے۔ برطانیہ دے ٹریول میگزین وینڈ لسٹ اچ ” پاکستان دے سب توں ودھ حیران کن 9قدرتی شاہکار “ دے عنوان نال چھپنڑ آلے آرٹیکل کوںری ٹویٹ کریندتے ہوئے وزیر اعظم عمران خان اے گالھ آکھی۔وینڈرلسٹ برطانیہ دا نمایاں خود مختار ٹویول میگزین اے جیڑھا جگ دے سیاحواں کوں سیاحت دے وستیاب مواقع ، سیاحتی مقامات دی نمایاں خصوصیات دے نال نال سیاحتی مقامات دے فوٹوز اتے انہاں علاقیاں بارے حقائق آلیاں معلومات ڈیندے۔پاکستان اچ سیاحت دے مواقع بارے میگزین لکھیے جو ”کوہ ہمالیہ دی بلند ترین جادوئی وادیاں اتے خوبصورت جغرافیہ پاروں پاکستان کوں 2020ءدی بہترین سیاحتی سرزمین قرارڈتا گئے جتھاں ہر سیاح پرامن ماحول اچ قدرتی مناظردی چس چاءسگدے۔ پاکستان اچ حیران کن قدرتی مناظر دی فہرست اچ میگزین بلتورو گلیشیئر، وادی نیلم، ہنگول نیشنل پارک، ٹرانگو ٹاورز، دیوسائی دے میدان، تھر دے صحرا، سیف الملوک، وادی ہنزہ اتے ایبٹ آباد جھیل کوں شامل کیتے۔میگزین دے آرٹیکل اچ ” پاکستان اچ لازمی کرنڑ آلے 13بہترین کم“ ”پاکستان دی 7خوبصورت ترین مساجد“ اتے ”چار اینجھے تجربات جیڑھے تہاکوں پاکستان نال جوڑسگدن“دے عنوان نال لکھیے گئے ترائے بئے آرٹیکلز دا لنک وی ڈتا گئے۔اے مضامین پاکستان دی ثقافت، رسم و رواج، روایات اتے تاریخی ورثہ بارے ماضی قریب اچ برطانوی میگزین رلائن۔