پوچیفسٹروم ۔ 24 جنوری (اے پی پی) 13 ویں آئی سی سی انڈر19 کرکٹ ورلڈ کپ اچ صبحائیں ہفتے کوں آخری چار گروپ میچ کھیڈے ویسن ۔ جنوبی افریقہ اچ 13 ویں آئی سی سی انڈر 19 ورلڈ کپ اچ مقابلیں دا سلسلہ جاری اے جیں اچ شائقین کرکٹ کوں چنگے مقابلے ڈیکھنڑ کوں ملدے پن ۔ میگا ایونٹ اچ اج ہفتے کوں چھیکڑی چار گروپ صبحائیں ہفتے کوں چھیکڑی چار گروپ میچاں دا فیصلہ تھیسی ۔ پہلا میچ جاپان اتے سری لنکا دی انڈر 19 ٹیماں دے درمیان پوچیفسٹروم اچ کھیڈیا ویسی ،ڈوجھا میچ سکاٹ لینڈ اتے زمبابوے دیان انڈر 19 ٹیماں دے درمیان پوچیفسٹروم اچ کھیڈیا ویسی ، تریجھا میچ جنوبی افریقہ تے متحدہ عرب امارات دیاں انڈر19 کرکٹ ٹیماں دے درمیان بلوم فونٹین اچ کھیڈیا ویسی جڈاں جو چوتھا تے چھیکڑی میچ میچ انگلینڈ اتے نائیجیریا دیاں انڈر 19 ٹیماں دے درمیان کھیڈیا ویسی ۔ ہر گروپ توں ڈو بہترین ٹیماں سپر لیگ مرحلے تئیں رسائی حاصل کریسن جڈاں جو باقی ساریاں ٹیماں پلیٹ چیمپئن شپ کیتے نبڑسن۔
