اسلام آباد ۔ 24 جنوری (اے پی پی) محکمہ موسمیات دے مطابق آندے 24 گھنٹے دے دوران ملک دے بہوں سارے علاقیں اچ موسم ٹھڈا تے رکھا رہسی تاں جو شمالی بلوچستان ، اتلے خیبر پختونخوا، گلگت بلتستان، اسلام آباد، کشمیر اتے ایندے نیڑے پہاڑی علاقیں اچ موسم جھڑ آلا رہنڑ دے نال نال کجھ جہیں تے رات تے شام کوں ہلکا مینھ وسنڑ تے پہاڑاںتے برف پوونڑ دا امکان اے ۔ رپورٹ دے مطابق گزریل 24 گھنٹے دے دوران ملک دے بہوں سارے علاقیں اچ موسم ٹھڈا تے رکھا جڈاں جو شمالی علاقیں اچ ودھ سارا ٹھڈا رہیا ۔ جمعے کوں ریکارڈ کیتے گے گھٹ توں گھٹ درجہ حرارت دی رپورٹ دے مطابق اسکردو اچ درجہ حرارت منفی 22، بگروٹ منفی 13، استور منفی 12، پارا چنار، گو پس، کالام منفی 11، گلگت منفی 5 اتے راولا کوٹ اچ منفی 4 ڈگری سینٹی گریڈ ریکارڈ کیتا گے ۔
