تہران۔ 11 جنوری (اے پی پی)ایران دی فوج من گھدے جو انہاں نہ چاہندے ہوئیں پریوکرین دا مسافر طیارہ مارڈھوائے۔برطانوی نشریاتی ادارے موجب ہک بیان اچ ایرانی فوج منیے جو ہک انسانی غلطی پاروں اے واقعہ اوں ویلھے تھئے جڈاں طیارے ایران دے پاسدارانِ انقلاب نال جڑیے حساس جاہ دے نیڑے پروازکیتی،حادثے اچ ملوث لوکاں دا احتساب کیتا ویسی۔ایرانی وزیر خارجہ جواد ظریف ایکوں ہک افسوس نال ڈینھ قرار ڈتے جو افواج دی اندرونی تحقیقات دے مطابق امریکی جنگی جنون پاروں ایں بحران ویلھے اے وڈی انسانی غلطی تھئی اے،اساں سارے ملکاں دے متاثرین اتے انہاں دے تبراں توں معافی چاہندے ہیں اتے پرچیندے ہیں۔ایں توں پہلے کینیڈا، امریکہ اتے برطانیہ وی ذرائع دے حوالے نال اے طیارہ ایرانی میزائل نال تباہ تھیونڑدا دعویٰ کیتا ہا ´بدج کوں یوکرینی طیارے دے پرواز دے اٹھارہ منٹ بعد ہی ڈھانڑ نال مسافراں اتے عملے سودھے سارے 176لوک مر گئے ہن۔
