برلن ۔13جنوری(اے پی پی) جرمنی دے ماہرین خوراک جسم کوں پانڑیں دی ضرورت ظاہر کرنڑ آلیاں علامتاں ڈسا ڈتن ۔ ماہرین آکھیے جو ایجھاں 9علامتاں ہن جنہاں دے ظاہر تھیونڑ نال اے پتہ لگدے جو تساڈے جسم اچ پانڑیں دی کمی اے ،تساکوں ودھ توں ودھ پانڑیں پیونڑاں چاہیدے ۔ماہرین آکھیے جو انہاں علامتاں اچ سردا درد، سرچکراونڑ ، نظر دا متاثر تھیونڑ، گردیں اچ درد دی شکایت، پیشاب دی کمی، پیشاب دے رنگ دا کالا تے بدبو آونڑ ، قبض اتے موٹا پاخانہ، ہونٹاں دا خشک تھیونڑ تے پھٹ ونجنڑ ، ہتھ دے پچھلے حصے، بانہیں تے ران تے جھڑیاں ظاہر تھیونڑ شامل اے ۔ماہرین آکھیے جو کجھ بیماریاں ، جسمانی عارضے یا دھک لگنڑ نال وی تریھ گھٹ تھی سگدی اے ،تریجھ نہ ہوونڑ دے باوجود وی روزانہ ہک لیٹر توں ودھ پانڑیں پیونڑاں چاہیدے ۔
