اسلام آباد ۔ 14 جنوری (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو جیں طرز نال موسمیاتی تبدیلیاں رونما تھیندیاں پن او پاکستان اچ صحت کیتے وڈا خطرہ ہن ،پاکستان دنیا دے موسمیاتی تبدیلیاں دے خطرے نال ڈو چار ملکاں اچوں ہک اے ،اساکوں انہاں تبدیلیاں دی مطابقت نال اقدامات کیتے کوششاں کرنڑیاں ہوسن ،کمیٹی اگلے کجھ مہینے اچ ایندے تے سفارشات پیش کریسی ۔اے گال انہاں منگل کوں اپنڑی زیر صدارت موسمیاتی تبدیلیاں تے صحت متعلق ماہرین دے ورکنگ گروپ اجلاس اچ گال مہاڑ کریندے ہوئیں آکھی اے ۔معاون خصوصی آکھیے جو جیں طرز نال موسمیاتی تبدیلیاں تھیندیاں پن او پاکستان اچ صحت کیتے وڈا خطرہ ہن ۔پاکستان دنیا دے موسمیاتی تبدیلیاں دے خطرے نال ڈو ملکاں اچوں ہک اے ۔اساکوں انہاں تبدیلیاں دی مطابقت نال اقدامات کیتے کوششاں کرنڑیاں پوسن۔اگلے کجھ مہینے اچ کمیٹی ایندے تے سفارشات پیش کریسی ۔انہاں آکھیے جو ماہرین دے مطابق ایں صدی دے چھیکڑ تئیں گوبل وارمنگ دے نتیجے اچ پاکستان اچ چھی ڈگری سینٹی گریڈ درجہ حرارت اتے ویسی ۔
