جنیوا۔ 27 جنوری (اے پی پی) عالمی ادارہ صحت (ڈبلیو ایچ او) دے سربراہ ہنگامی دورے تے چین روانہ تھی گن۔او چین اچ کرونا وائرس دی وباءپاروں صورت حال دا جائزہ گھنسن ۔ ڈبلیو ایچ او دے چیف ٹیڈروس ایڈھنوم گبریسسوس سنوار کوں اپنڑے ٹویٹ اچ آکھیے جو چین اچ حکومت دے عہدیداراں تے ماہرین صحت نال ملاقات کریساں ،انہاں آکھیے جو میں تے میڈے ساتھی اتھاں وائرس تے قابو پاونڑ کیتے اقدامات دے بعد دی پیشرفت دا جائزہ گھنسن ۔انہاں آکھیے جو انہاں دے دورے نال انہاں دی چین نال شراکت داری مزید مستحکم تھیسی تے انہاں دی بھرپور معاونت ڈتی ویسی
