اسلام آباد ۔ 10 جنوری (اے پی پی) وزیراعظم عمران خان اج جمعے کوں نوشہرہ اچ اضاخیل ڈرائی پورٹ دا افتتاح کریسن۔ وزیر اعظم میڈیا آفس توں جاری بیان دے مطابق پاکستان ریلویز دے ذریعے ملک تے چیزاں ملک اچ پجاونڑ کیتے ایں منصوبے کوں پاکستان ریلوے ہک سال اچ 507 ملین روپے دی لاگت نال مکمل کیتے ۔ اضاخیل ڈرائی پورٹ 28 ایکڑ دے رقبے تے بنڑائی گئی اے جیں اچ مال برداری دی نقل و حمل یعنی لوڈنگ اتے اَن لوڈنگ دیاں جدید سہولتاں ہن۔اے ڈرائی پورٹ نوشہرہ شہر توں 8کلو میٹر پرے جی ٹی روڈ تے واقع اے ایندے نال رنگ روڈ پشاور دے نال براستہ سڑک رسائی وی حاصل ہوسی ۔حکومت پاکستان دی لاجسٹکس کوں ودھاونڑ ڈیونڑ دی پالیسی دے مطابق اضاخیل ڈرائی پورٹ عوام تے تاجراں دیاں ضرورتاں کوں پورا کریندے ہوئیں قومی معیشت اچ وی کردار ادا کریسی ۔ اضا خیل ڈرائی پورٹ دے ذریعے کراچی بندرگاہ توں فریٹ دی ملک اچ نقل و حمل اتے ولا ایں سامان دی افغانستان کوں براستہ سڑک منتقلی کیتی ونج سگسی ۔ ا ضا خیل ڈرائی پورٹ اتے سی پیک دے تحت پشاور توں کراچی تئیں 1872کلو میٹر لمبی ریل دے قیام نال پاکستان ریلوے مال برداری اچ مارکیٹ دا 20فیصد شیئر حاصل کرنڑدے قابل تھی ویسی۔ایندے نال پاکستان ریلوے آندے چھی سالاں اچ اپنڑے گھاٹے تے قابو پاونڑ اچ کامیاب تھی ویسی ۔
