اسلام آباد ۔ 23 جنوری (اے پی پی)پاکستان سی پیک بارے قرضے اتے غیر رعایتی مالی تعاون بارے دعوے مسترد کریندیں ہوئیں واضح کیتا جو پاکستان سی پیک بارے قرضے اتے غیر رعایتی مالی تعاون بارے دعوے مسترد کر ڈتے،سی پیک دے مجموعی قرضے تقریباً 4 ارب 90 کروڑ ڈالرہن جیڑھے جو مجموعی قرضے دا10فیصد وی کائنی،چین اساڈا سدا بہار سانجھے دار اے،سی پیک پاکستان سانگے مثبت تبدیلیاں دا منصوبہ اتے ایں منصوبے دی تکھے پورا کرنڑ اساڈی پہلی ترجیح اے۔خمیس کوں ہفتہ وار بریفنگ اچ ترجمان دفتر خارجہ عائشہ فاروقی ’ سی پیک دے خلاف امریکی سفیر ایلس ویلز دے اجوکے ریمارکس کوں مسترد کر ڈتا جئیں اچ دعویٰ کیتا گیا ہئی جو سی پیک یکا قرضے یا ریاستی ضمانت دے نال غیر رعایتی معالی تعاون تے مبنی اے۔ترجمان آکھیا جو ،سی پیک دے مجموعی قرضے تقریباً 4 ارب 90 کروڑ ڈالرہن جیڑھے جو مجموعی قرضے دا10فیصد وی کائنی۔ترجمان آکھیا جو سی پیک طویل المدتی منصوبہ اے،اے منصوبہ تواانائی، انفراسٹرکچر، انڈسٹرلائزیشن اتے روزگار دے مواقع پیدا کرنڑ اچ پاکستان دی مدد کریندا پئے۔ایں منصوبے نال پاکستان دی عوام اتے سماجی تے اقتصادی ترقی سانگے بہوں اقتصادی فائدے تھیسن۔
