بیجنگ ۔ 28 جنوری (اے پی پی) چین دے محکمہ صحت آکھیا جو کورونا وائرس متاثرہ انسان کوں ہتھ لاونڑ نال ڈوجھے انسان اچ منتقل تھی سگدے،چین دے خبر رساں ادارے شنہوا منگل کوں کورونا وائرس بارے نیشنل ہیلتھ کمشن ولوں جاری ہک اپ ڈیٹ اچ آکھیا جو کورونا وائرس ساہ دے ذریعے نچھ آونڑ اتے کھنگنڑ نال کھنڈ سگدے اتے متاثر تھیے بندے کوں ہتھ لاونڑ نال وی ڈوجھے انسان اچ ونج سگدے۔یاد رہے جو چین اچ کورونا وائرس دے متاثرین دی تعداد 4515توں ودھ گئی اے جڈانجو ہلاک تھیونڑ آلیاں دی تعداد106ڈسائی گئی اے۔
