افغان امن معاہدے اچ رکاوٹاں پاونڑ دی بھارتی کوششاں ناکام تھی گئن،اج امریکہ طالبان دا امن معاہدہ انٹرافغان مذاکرات سانگے راہ ہموار کریسی ،اساں افغانستان اچ امن اتے ترقی چاہندوں،وزیر خارجہ شاہ محمود قریشی دا افغان مفاہمتی عمل اتے بھارت دی صورتحال تے بیان اتے افغان میڈیا نال گالھ مہاڑ

دوحہ ۔ 28 فروری (اے پی پی)وزیر خارجہ شاہ محمود قریشی آکھیا جو افغان امن معاہدے اچ رکاوٹاں پاونڑ دی بھارتی کوششاں ناکام تھی گئن،اج امریکہ طالبان دا امن معاہدہ انٹرافغان مذاکرات سانگے راہ ہموار کریسی ،اساں افغانستان اچ امن اتے ترقی چاہندوں۔او جمعے کوں دوحہ اچ افغان مفاہمتی عمل اتے بھارت دی صورتحال تے بیان اتے افغان میڈیا نال گالھ مہاڑ کریندے پے ہن،انہاں آکھیا جو اج دا ڈینھ افغانستان اتے افغان عوام سانگے وڈا ڈینھاے،بھارت افغان امن معاہدے اچ روڑے پاونڑ دی پوری کوشش کیتی اے۔29فروری کوں طالبان امریکہ امن معاہدہ انٹرافغان مذاکرات سانگے راہ ہموار کریسی۔انہاں آکھیا جو افغانستان اچ امن سانگے اج پوری دنیا پاکستا ن دے کردار دی تعریف کریندی پی اے،پاکستان افغان امن عمل سانگے مخلصانہ کوششاں کیتن۔امید اے کل امریکہ اتے طالبان وچال امن معاہدے تے دستخط دی تقریب اچ مختلف ملکاں دے وزراءخارجہ سمیت 50ملکاں دے نمائندے شریک تھیسن۔